வீட்டுத்தோட்டத்தில் வளர்க்க வேண்டிய மூலிகைகள்!

Forums Communities Farmers வீட்டுத்தோட்டத்தில் வளர்க்க வேண்டிய மூலிகைகள்!

Viewing 1 post (of 1 total)
  • Author
    Posts
  • #13027
    Inmathi Staff
    Moderator

    கப நோய்களை விரட்டும் மூலிகைகள்!

    ஒவ்வொரு நோய்க்கும் பல்வேறு வகையான மூலிகைகள் நம்மிடையே இருக்கின்றன. அவ்வப்போது ஏற்படும் சளி, இருமல் போன்ற கப நோய்களை எதிர்த்துப் போரிட கற்பூரவள்ளி, தூதுவளை, நொச்சி, திருநீற்றுப்பச்சிலை, கண்டங்கத்திரி, தும்பை, துளசி வகைகளை வளர்க்கலாம். தினமும் குடிக்கும் நீரில் துளசி இலைகளைப் போட்டுக் கொதிக்கவைத்து குடித்துவரலாம். குளிர்காலங்களிலும் மழைக்காலங்களிலும் தூதுவளையைத் துவையலாகவும் குடிநீராகவும் தேவைக்கேற்பப் பயன்படுத்தலாம்.  கண்டங்கத்திரி, கற்பூரவள்ளி போன்றவை கப நோய்களுக்கு எதிராகச் செயல்படும் அற்புத மூலிகைகள். குறிப்பாக, குழந்தைகளுக்கு உண்டாகும் சளி, இருமலை குணமாக்க, கற்பூரவள்ளி இலையை இடித்துச் சாறெடுத்து, சிறு தீயில் சுண்டவைத்து சுரசமாக அரை டீஸ்பூன் அளவுக்குக் கொடுக்கலாம். திருநீற்றுப்பச்சிலை, நொச்சி இலைகளைக்கொண்டு வேது பிடிப்பது (ஆவிப் பிடித்தல்) நோய்களைப் போக்க உதவும். தலைபாரத்துக்கு உடனடியாக பலன் தரக்கூடியது ஆவிப்பிடித்தல் முறை.

    தோல் நோய்கள் மற்றும் செரிமானத் தொந்தரவுகளுக்கு…

    தோல் நோய்களைக் கட்டுப்படுத்த குப்பைமேனியும் கஸ்தூரி மஞ்சளும் சிறந்த மூலிகைகள். உடலில் அரிப்பு ஏற்படும்போது, குப்பைமேனியுடன் சிறிது மஞ்சள்/கஸ்தூரி மஞ்சள் சேர்த்தரைத்துப் பூசலாம். குப்பைமேனி அனைத்து இடங்களிலும் சாதாரணமாக வளரக்கூடியது. வயிற்றுப் புழுக்களை வெளியேற்ற, மூன்று முதல் ஐந்து குப்பைமேனி இலைகளை அரைத்து, சிறிது விளக்கெண்ணெய் சேர்த்துக் கொடுப்பது பாரம்பர்ய வழக்கம். வயிற்று நோய்களை சாந்தப்படுத்தும் மூலிகைகளாக பிரண்டை, மணத்தக்காளியின் ஆதரவு தேடலாம். `சாப்பிட மாட்டேன்’ என அடம்பிடிக்கும் குழந்தைகளுக்கு பிரண்டைத் துவையல்/நல்லெண்ணெய் காம்போ சிறந்த பலனளிக்கும். பிரண்டை, எலும்புகளின் வலிமையை அதிகரிக்கும். கொடியாக மேலேறும் பிரண்டையின் வளர்ச்சியை ரசித்து மகிழ்வது அலாதியான அனுபவம். மணத்தக்காளிக்கீரையை பருப்புச் சேர்த்து, கடைந்து சாப்பிட்டால், வயிற்றுப் புண்கள் ஆறும்.

Viewing 1 post (of 1 total)
  • You must be logged in to reply to this topic.

Pin It on Pinterest

Share This