திமுக தலைவராக மு.க.ஸ்டாலின் செவ்வாய்கிழமை தேர்வு செய்யப்படவிருப்பதாக அமைப்பு செயலாளர் ஆர்.எஸ்.பாரதி கூறியுள்ளார்.
சென்னை அண்ணா அறிவாலயத்தில் செய்தியாளர்களிடம் பேசிய அவர், திமுக தலைவர், பொருளாளர் பதவி தேர்தலுக்கான வேட்பு மனுவை திரும்பப் பெறும் அவகாசம், பகல் 1 மணியுடன் முடிவடைந்தததாக தெரிவித்தார்.
திமுக தலைவர் பதவிக்கு மு.க.ஸ்டாலின், பொருளாளர் பதவிக்கு துரைமுருகன் பெயர் மட்டுமே உள்ளதாக கூறினார். செவ்வாய்கிழமை நடைபெறும் திமுக பொதுக்குழு கூட்டத்தில் பொதுச் செயலாளர் அன்பழகன் முடிவுகளை அறிவிக்க இருப்பதாக ஆர்.எஸ்.பாரதி குறிப்பிட்டார்.